Feliz Día das Letras Galegas! Este ano dedícanselle a Florencio Delgado Gurriarán. Naceu na aldea de Córgomo, no concello ourensán de Vilamartín de Valdeorras, o 27 de agosto de 1903. En Valladolid fixo a carreira de Dereito e despois exerceu como avogado no Barco de Valdeorras. Despois da Guerra Civil marchou a México. Membro do Partido Galeguista, foi un dos fundadores do Padroado da Cultura Galega. Morreu en Estados Unidos en 1987.
Deuse a coñecer como poeta co seu libro Bebedeira, con poemas dedicados á súa terra de Valdeorras. Outros poemarios seus son Galicia infinda (1963), Cantarenas (1981) e O soño do guieiro (1986).
Foi membro da Real Academia Galega e esta dedícalle o Día das Letras de 2022 pola súa contribución á defensa do noso idioma e da nosa cultura.
Ao longo da semana profundizamos na figura do homenaxeado ademais de realizar actividades lingüísticas e musicais. En infantil tocamos A saia da Carolina cos Boomwhackers. Fixemos tamén un tendal de palabras con poemas de Florencio Delgado e os/as alumnos/as de secundaria decoraron a cristaleira do pavillón coa imaxe do autor.
