O 23 de abril celébrase o Día Mundial do Libro e do Dereito de Autor. A UNESCO escolleu esta data porque coinciden o falecemento de tres grandes autores da literatura universal en 1616: Miguel de Cervantes, William Shakespeare e Garcilaso de la Vega. Aínda que hoxe sabemos que Cervantes morreu o 22 de abril pero foi enterrado o día 23 e Shaskespeare morreu o 23 de abril segundo o calendario xuliano vixente en Inglaterra no s XVII.
Este ano a Asesoría de Bibliotecas da Consellería de Educación encargoulle ao escritor, editor e tradutor Xosé Ballesteros a elaboración dun texto. O autor creou un texto centrándose na parte menos visible do libro, o momento da súa creación.
Ao longo da semana do 18 ao 23 de abril a biblioteca do cole propúxonos moitas e variadas actividades: creamos un conto ou texto literario para compartir, redactando e ilustrando o texto; lemos xuntos en clase; decoramos páxinas de libros antigos; celebramos o día 23 de abril con Don Quijote; e retomamos o taller de lettering. Foi unha semana moi aprovechada e moi divertida.
E xa sabedes: «Non deixes para mañán o que podas ler hoxe»